حنان الزهراني

#ad برجر الأيسكريم : خبز برجر بريوش من لوزين , يغمس في : نخفق ١ بيض , ملعقه صغيره قرفه , ملعقه كبيره سكر , ملعقه صغيرة سكر بني , فانيلا سايله , ( ممكن نضيف ملعقة صغيرة من الكريم كراميل يعطينا نكهة لذيذة اذا توفر معانا ) ونص كوب حليب سائل ونخلطهم , ونغمس الخبز ونخليه يتشرب تمام وبعدها نسخن الطاوه على نار متوسطه الى هاديه ونحط شوي زبده ونخلي كل وجه تقريباً 3 دقايق بعدها يغمس في سكر بني وقرفة يقدم مع ايس كريم التوت , ماتتصورون قد ايييييش لذييييييذ , قدمته مع التوتيات فقط , مع كوب قهوه وتلذذو 😍. #LusineBrioche #بريوش_لوزين

على امتداد الأرض استلهمت كل منطقة من طبيعتها , اطباقاً تروي القصص عن اصالة ثقافتنا , فخورة بتصوير الطبق التراثي لمنطقتي الباحة ( الخبز المقنا ) #يوم_التأسيس #يوم_التأسيس_السعودي #التأسيس_السعودي #التأسيس #تجهيزات_التأسيس #الباحة #زهران #زهران_العناصي

اليوم جربت #ترند_جديد اللي هو ترند الكرواسون مع الشوكلت بصراحه المكس رهيب 🤤❤️‍🔥❤️‍🔥 , مع قهوه امريكي يممممي #ترند_الكرواسون #كرواسون_شوكلاته #ترند_تيك_توك #وصفات_سهله

ترايفل الكنافة و الفستق بالرمان 🤤❤️‍🔥❤️‍🔥 افضل طريقة لتحميص الكنافة تدهنوها بزبده مذابه وتضيفون لها ملعقة سكر بودر تعطيها قرمشه ولون رهيب ياتحمصوها بالفرن او صاج اللي يريحكم والكمية على حسب الصينية كريمة الفستق : علبة كريمة الفستق كاملة مع علبة جبن فيلادلفيا 180 جرام ونخفقها كويس بعدها نضيف لها كوب ونصف كريمة خفق ونخفقها لحد ماتتكون معانا الكريمة صوص الرمان : سويت صوص التوت اللي هو كوب ونصف توت مع نصف كوب سكر لما يبدأ التوت يذوب نصفيه وناخذ مويته بس نضيف لها عصرة نصف ليمونه مع ملعقة نشاء اول ما يثقل معانا نقفل النار نتركه يبرد وبعدها نضيف له الرمان وممكن نسوي جيلي توت ونضيف له رمان ونبدأ بالطبقات طبقة كنافة و طبقة فستق و طبقة كريمة الفستق وطبقة الرمان والتوت واخر حاجه كنافة وفستق وبالعافية ♥️ #ترايفل #حلى_بارد #كنافة #رمضان_كريم #RamadanBakeFest #رمضان_وصل #ترندات_تيك_توك

#عيد_سعيد و كل عام و أنتم بخير 🎈 , #عيد_الفطر_المبارك #تجهيزات_العيد #زينة_العيد #عيد_مبارك

الدق اللي بتسمعونة في نهاية المقطع هذا لعب نساء زهران ( ملعبة زهران ) #يوم_التأسيس #يوم_التاسيس_السعودي_22_فبراير #التأسيس #التأسيس_السعودي #تجهيزات_التأسيس #الباحة #زهران #زهران_العناصي

فرزنتو السمبوسة ؟ #فرزنة_رمضان #سمبوسة_رمضان #Ramadan_preps #رمضان_كريم #رمضان_وصل #ترند_تيك_توك

بناتي جوان و بيلسان راح يقرون الكومنتات ممكن تكتبون لهم كلام حلو يشبهكم ☺️♥️؟ #Ramadan_preps #زينة_رمضان #رمضان_يجمعنا #رمضان_وصل

تدرون انو الوصفة الأصلية بدون دجاج وبدون خس بس حقيقي الأضافة كانت تجننننن 🤤, نحتاج زهره نقطعها ونتبلها في شوي زيت زيتون وملح وفلفل اسود وكمون وبابريكا ونشويها بالقلاية الهوائية , تتبيلة الدجاج : نقسم الفيلية الواحد شريحتين عشان يكون رقيق معانا ونتبله في : شوي زيت زيتون , ثوم مهروس , ملح , فلفل اسود , بابريكا ونشويها على صاج حامي لحد ماتستوي , الصوص : علبة او علبتين زبادي حسب كمية السلطة , عصرة نصف ليمونة , فص ثوم مهروس , ٢ ملعقة طعام طحينة , ملح و فلفل اسود , ابدعو بالتزيين و عليكم بالعاااااااافية ♥️♥️' #سلطات_لذيذه #سلطات_سهلة #وصفات_سهله #جوع_اخر_الليل #ترند_تيك_توك #ترند_جديد

مساء اليوم الأول من رمضان الحمدلله اللذي بلغنا إياه 🌙. و كل عام و أنتم بخير 🌙♥️. وأكييييد مع أول وصفة مع العلالي راح انزلكم رابط الهدايا المجانية من العلالي هالحلا يابنات ماتتصورون قد ايييييش لذيذ بصراحة ماتوقعت طعم كريمة المهلبية تكون لذيذه كذا 🤤❤️‍🔥❤️‍🔥 ضروري تجربون الوصفة 🙏 المقادير : طبقة البسكوت : بسكوت حسب حجم الصينية اللي عندكم ( اضافة السكر البني و القرفة تعطينا طعم رهيييب ) اصبع زبدة مذابة ندخل طبقة البسكوت الفرن ١٠ دقايق تتماسك بعدها نبدأ في كريمة المهلبية استخدمت مهلبية العلالي نسويها مثل مو مكتوب خلف البوكس ونتركها تبرد ( لاتشيلون هم التكتل لانها راح تنخفق وتضبط معانا ) بعدها نبدأ في خلطة الكريمة نحتاج إلى ١ علبه جبن كريمي ١٨٠ جرام او ١٢ قطعة جبن كريمي ( نخلط الجبن اولاً حتى يصبح كريمي وبعدها باقي المكونات ) ٢ ظرف كريم شانتية من العلالي , كوب كريمة خفق نخفق المكونات وبعدها نضيف لها باقي المكونات لحد ما يتجانس الخليط حشوة التوت : كوب ونصف توت , ربع كوب سكر واضفت لها نص ظرف جيلي توت من العلالي مع نص كوب مويه ساخنه وعلى نار خفيفه نقلب الخليط ( اضافة ملعقة صغيره نشاء مذوب في ليمون ) اول مايثقل نطفي النار بعد مابرد الصوص اضفت توت فرش اضيف صوص التوت للبسكوت ؛ وبعدين اوزع باقي الكريمة على خفيف وبالتساوي , وادخلها الثلاجه تبرد من ٤ ساعات الى ٦ ساعات جاناش الشكولاتة : اي نوع شكولاتة انتو تحبونه مع نصف كوب كريمة رشيت كاكاو بودر من العلالي على الوجة وزينته بتوتيات مهم يابنات يبرد حلاته بارد ماتتخيلون قد اييييش لذييييييذ ومتناغم ♥️’ #العلالي #RamadanBakeFest #حلى_بارد #حلى_قهوة #رمضان_يجمعنا #رمضان_كريم #Ramadan_preps #رمضان_وصل

بنات هالوصفة تجنننن ضروري تجربونها فتة الشاورما والبطاطا الحّره 🤤❤️‍🔥❤️‍🔥❤️‍🔥' أول طبقه شرايح خس طريقة البطاطا الحّره : اول حاجه نقطع مكعبات بطاطس ونقليها بعد م تستوي نطلعها ونخليها على جمب في صاج نحط شوي زيت زيتون ونشوح فيها فص ثوم مهروس مع كزبره مقطعه وفلفل حار حسب الرغبه وشوي صويا صوص او دبس رمان وشوي كاتشب او معجون طماطم وحطيت عليهم شوي صوص حار وعصير نصف ليمونه نخليها تتسبك شوي ممكن نخففها بمويه اذا حسيناها مره ثقيله* واخر شيء نضيف البطاطس ونشوحهم على النار مع بهار ببريكا وفلفل اسود وفلفل احمر مجروش وملح نتركهم شوي على النار ونسكر عليها وتكون البطاطا الحرّه الطبقه الثانيه والطبقه الثالثه دجاج الشاورما : مقادير تتبيلة فيليه الدجاج اول حاجه نطرق الفيليه شوي او نقسمة بالنص اذا كان كبير ونبدأ نتبل , علبة زبادي , عصير نصف ليمونه , شوي زيت زيتون , ٢ فص ثوم مهروس , ملعقة صغيره معجون طماطم ( واذا حابينها تكون سبايسي نضيف لها صوص حار ) , ملح , فلفل اسود , بابريكا , بعدها نشويها على صاج حامي لحد ماتستوي وتتحمر وآخر طبقه الصوص : علبة زبادي ، ٢ ملعقه طحينه سايله ، رشة فلفل اسود وملح ، عصرة نصف ليمونه 🍋. على الوجة خبز مقلي , رمان , بقدونس #فتة_شاورما #فتة_وصنوبر #بطاطا_حرة #وصفات_سهله #وصفات_رمضانيه #رمضان_كريم

أكثر حاجه احب اسويها الحلويات 🥹🤤, وصفة هالتشيزكيك بالقلبببب ♥️ : #تشيز_كيك مخبوز : نحتاج ٣/٤ كوب سكر ( بنات لما أكتب ٣/٤ يعني كوب الأ ربع مو ٣ أو ٤ اكواب , أعتذر عن التوضيح بس في بنات صغار لازم اوضح لهم 🥹♥️) ١/٤ ربع كوب نشاء , ٣ بيض , ١ ملعقة طعام فانيلا , ٥٠٠ جرام جبن فيلادلفيا , كوب وربع كريمة خفق سائلة , ١ ملعقة صغيرة بشر ليمون , نصف ليمونه معصورة , ٢٠ جرام زبدة ( مهم جميع المكونات بحرارة الغرفه ) . . طبقة البسكوت : استخدمت بسكوت داجستيف مع زبدة مذوبه ( ملعقة صغيرة قرفة تعطينا طعم لذيذ للبسكوت ) . . الطريقة : في البدايه نحط طبقة البسكوت مع الزبده ونتأكد انو وزعناها كويس , بعدها نبدأ نخفق باليد السكر مع النشاء والبيض و الفانيلا لحد مايتغير لونها , في العجانه نبدأ نخفق الجبن مع كريمة الخفق لحد ماتتجانس بعدها اضيف لها عصير الليمونه مع البشر والزبده بحرارة الغرفه , بعد ماتجانست نبدأ نضيف خليط البيض بالتدريج ونخفق لمدة دقيقتين ونقفل , نرجع لصينية التشيز كيك ونغلفها تمام بالقصدير طبقتين عشان راح نخبز التشيزكيك في حمام مائي , نحط الخليط على البسكوت ونحط صينية التشيزكيك في صينية اكبر ونعبي نصها مويه وندخلها الفرن لمدة ٥٠ دقيقة على حرارة ١٨٠ من تحت بس , لما تخلص ٥٠ دقيقه نطفي الفرن ونتركه ١٠ دقايق ونطلعها من الفرن نغلفها بنايلون ونتركها لحد ماتصير بحرارة الغرفه وندخلها الثلاجه لمدة ليلة كاملة , . . الصوص : كوب توت , نصف كوب سكر , عصرة نصف ليمونه , ملعقة نشاء مذوب في مويه , نحط التوت والسكر على النار لحد مايذوب التوت في السكر نضيف عليه عصير الليمون , وبعدها نضيف النشاء المذوب في المويه لما يثقل الخليط نطفي النار ( في اقل من الدقيقتين يبدأ يثقل مانتركه يطول ) و بألف عافيه ♥️♥️ #تشيز_كيك #حلى_بارد #حلى_قهوة #ويكند #ترند_تيك_توك